Les mots surlignés font l'objet d'une note
1Reçue à Grenoble, le 01 mars 1573.
2Mon très honnoré segneur, jay prins l’ardiesse vous escripre
3la presante comme estant de retour du vouage de
4Venise, Dieu ma si bien oblié jusques là, que ne mose
5presanter à vostre segneurie en lestat que je suys,
6combien que je aye coumandé au regement du conte
7Sarremartinain comme estant ensegne du cappitaine
8Jullie de Florence et despuys prisonnier entre les mains
9des Turcz et ayant esté rachepté par ceste dernière
10batallhe, vous priant très humblement, monsegneur, me volloyr
11ayder et commander se quil vous plairra, vous obeyray
12tellement que cognoistrés que j’ay envie de parvenyr,
13si plaict à Dieu avec ayde comme jespère que me ferés
14sil vous plaict et à vostre segneurie et pour ne volloyr
15importuner vostre dicte segneurie, je mestois par cy devant
16Champtz pour me donner se quil me estoit necessaire,
18tellement quil ne ma rien vollu bailher pource que madame
19de Champtz, ma belle mère, luy avoit deffandu, à se que le
20sire Pierre du Rifz ma dit, quil neusse à me rien bailher
21à mon retourt ; nayant au jourdhuy nulle comoditté ny
22moyen de me retirer au campt de Monsieur comme je
23auroys bien envie destre pour faire service au roy. Sy par
24vostre segneurie, je nay quelque secours tel quil plairra
25à vostre segneurie, me obligeant vous obeyir et faire
26tout humble service ; que sera laffin, cregnant vous
27importuner par tropt après me estre recommandé
28humblement à vous bonnes graces. Priant Dieu,
29monsegneur, vous avoyr et maintenyr toujours en la sienne
30de Trèsclostre, faubourg de Grenoble, ce premier mars
311573.
32[196 v°] Vostre très humble et obeyssant
33serviteur à jamais
34Michel Allemand filz de
35feu monsieur de Champs